مدونة Arab BABY تكمل السنة الرابعة منذ إفتتاحها !

مرحبًا بيبيز . 

المدونة كمّلت 4 سنوات من إفتتحت😦 وااه مشاعر جيّاشه :( 

ماتوقعّت بيجيّ اليوم الي اكتب فيه هالتدوينة! والي ماتوقعته اكثر اني أكتب تدوينة ان خلصنا أربع سنوات بعد التدوينة الي قلت راح أوقف فيها لفترة :( 

مدريّ وشو أقول بالضبط لكن شعور حلّو , يعني ما أعرف كيف أعبر , أنا اعتبر ان المدونة تعتبر إنجاز لان مرّت اشيااء كثيييرة جدًا لكن كملنا أربع سنوات فيها . 

يعني جديًا أحس الاشياء الي صارت لهالمدونة ماصارت لمدونة ثانية :-: لكن الحمدلله المدونة بقت وماتسكّرت . 

جديًا المفروض التدوينة هذي تنزل الساعة 12 بالضبط مثل ما أنا كنت مخططة لكن يعني الفشّل في التعبير خلاها تتأخر شوي وبعد خلاها قصيرة بدون أي وصف للمشاعر فيها T__T 

بهالشيء السعيّد قررت أني أرجع اكتب تدوينات , ليش؟ مابي هالسنة تكون الاخيرة للمدونة فقط😦 وأعتقد اني اقرر هالشيء لحالي يُعد أنانية فـ عشان كذا نكتب نكمل , المدونة اللطيفة هذي المُحببة لقلبِي تستاهل أكثر :( 

فيه شيء مضحكنيّ شوي مع إنه مايضحك , ملاحظين أن المدونة إنفتحت قبل ترسيّم بي اي بي وبعد الذكرى السنوية حقتنا قبل بي اي بي؟ 

بخصوص وضع المدونة حاليًا .. ” مهم يرجى الإطلاع “

أهلًا بيبيز 

بدون أي مقدمات , أمس سويت إستطلاع بتويتر عن إذا تؤيدون إغلاق المدونة 

طبعًا ما اخفي عليكم إني انفجعت لما شفت نسبة “لا” أكبر من “نعم” :/ 

لأنه بكل صراحة المدونة ميته ومافيها تفاعل فأستغربت جدًا! كيف أغلبكم صوّت “لا”؟ 

طبعًا أنا كنت أخطط أسكرها نهائي تمامًا , مش لانها تعب علي ولاشيء أبدًا بس لأن مافيه شيء يحمسني أحدّث فيها 

مافيه تعليقات أتحمّس لها , مافيه رياكشنز البيبيز على الخبر او حتى على الصور فعشان كذا صرت مرررة أتعيجز أكتب حرّف واحد حتى . 

فانا سالت سارة عن المدونة وإذا أسكرها ولا لا, وهي قالت لي سوي إستطلاع بتويتر.. فبعدين قالت خليها مؤقت موقفة 

فقلت أوكي , بس فيه بيبيز جاو وقالو لا خلوها للترجمة وكذا , لكن انا قررت اني اوقفها لكن باقي مفتوحة . 

وعلى الترجمة والمقالات ياكثر ماترجمت المقالات على التويتر وبالعكس تلقى تفاعل أكثر عكس تماما لما انزلها بالمدونة حتى عدد المشاهدات مايتعدا 50 مشاهدة  .

المدونة جدًا غالية على قلبي مع إني مامسكتها إلا قبل فترة بسيطة وهي يمكن سنة أو أقل , وحساب تويتر مسكته قبل ثلاث سنوات . 

وجدًا معوّر قلبي اني راح أقفل المدونة بيوم من الأيام , لكن مثل ماقلت حاليًا راح أخليها مفتوحة ومتوقفة, بعدها يمكن أسكرها نهائي ويبقى تويتر والإنستقرام بس .

ومادري بعد يمكن يجي اليوم الي أسكر فيه تويتر :( 

طوّلت عليكم معليش , وأراكم بتدوينة جديدة لاحقًا . 

كل التفاصيل عن عودة B.A.P والشوكيس في نوفمبر !! *الإفراج عن الفيديو التشويقي لـ Young, Wild&Free ..

التدوينة مثبته وقابلة للتحديث حتى الإفراج عن الألبوم والفيديو الموسيقي

استمر في القراءة